Dem dey come dey go

Dey come dey go

Dey come dey go.


Dem go beg today

Brag tomorrow

Polite today

Shakara tomorrow.


Dem say dem dey represent us

But dat na lie becos

Dem dey resent us

Dey divide us

Dey deride us

Dey deceive us

Dey depress us

Dey deplete us

Dey deny us

Dey oppress us

Dey forget us…..

Until dem need us.


Dia own na baboon dey work monkey dey chop.

Dia name na poli-trick-cians;

Dem be like magicians –

Di more you look di less you see.



One day be one day

Like play, like play

And turn by turn

Monkey go go market

E no go return.


© Tonykata 2019

From Random Thoughts: A Collection of Essays and Poems by Tony Ekata

You may also read: Nigeria: Paradise lost?


Please enter your comment!
Please enter your name here